“Azərbaycan Respublikası İran üçün əhəmiyyətlidir. Səfərimizin başlanğıcının bu ölkəyə olması və sonluğunun da bu ölkədə bitməsi, qeyd edilən əhəmiyyətdən xəbər verir.”
Qafqaz.ir-un İrib.ir-ə istinadla xəbər verir ki, bunu İranın xarici işlər naziri Məhəmməd Cavad Zərif Naxçıvan Müxtar Respublikasının baş naziri Səbuhi Məmmədovla görüşdə deyib.
Cavad Zərif bildirib ki, regiona səfərinin Azərbaycandan başlaması və burada da bitməsi İranın qonşu ölkəyə verdiyi əhəmiyyətdən irəli gəlir.
İran XİN rəhbəri əlavə edib:
“İran Qarabağın azad edilməsinə görə məmnundur. Ümidvarıq ki, bu sülh sabit və davamlı qalaraq, bir neçə tərəfli əməkdaşlıq konsorsiumunun təşkilinə gətirib çıxaracaq.”
