Şəhid Mübariz Xeyməsi “Ərbəin” günü Kərbəlada İmam Hüseynin qonaqlarını qarşılayır (Fotolar)

Uca Allah Qurani-Kərimdə şəhidlərin əslində ölmədiyini buyurur.

SizinYol-a son günlər daxil olan məlumatlarda bir daha bu həqiqəti, şəhidlərin ölmədiyini, əksinə həyatta olan insanlardan daha təsirli və diri olduğunu görürük.
Belə ki, Ərbəin günü müansibəti ilə Kərbəlaya İmam Hüseynin ziyarətinə gedən azərbaycanlı zəvvarlar gecələmək üçün yer axtararkən Mübariz İbrahimov adlı xeymə ilə rastlaşıblar. Şəhadətindən illər sonra Kərbəla şəhərində Mübarizin adının və Azərbaycan bayrağının ucalması zəvvarlarımızı heyrətləndirib.
Xeymədə əsasən azərbaycanlı ziyarətçilərə xidmət göstərilir.  Qeyd edək ki, bu və digər xeymələrdə yemək, istirahət və gecələmək  pulsuzdur.
Kərbəlada olan zəvvarlar saytımıza xeymənin fotolarını yollayıblar.