Ayətullah Amili: İdeal dövlət müxaliflərini həzm etməyi bacarmalıdır
Qafqaz Mədəniyyət Mərkəzi – Vəliyyi-Fəqihin Ərdəbil əyaləti üzrə nümayəndəsi və Ərdəbilin imam cüməsi Azərbaycan Respublikasında Nardaran işi üzrə keçirilən məhkəməyə işarə edərək 17 nəfər dindara ikiyüz əlli beş il həbs cəzası verilməsinə təəssüf hissi keçirdiyini bildirib və deyib: “İdeal bir dövlət öz sistemində müxalifləri həzm etməyi bacarmalıdır”.
Ayətullah Amili cümə namazı xütbələrində Plasko hadisəsində qəhrəmancasına şəhid olmuş yanğınsöndürənlərin şəhadəti münasibətilə başsağlığı verib və Allahdan onlara uca dərəcələr arzu edib. O, əlavə edib: “İranın heç bir yerində bu məsələyə göz yummaq olmaz və aidiyyatı orqanları üzürlü hesab etmək olmaz”.
Vəliyyi-Fəqihin nümayəndəsi xütbələrinin digər hissəsində ötən həftə Azərbaycan Respublikasında Nardaran işi üzrə keçirilən məhkəməyə və 17 nəfər dindara ikiyüz əlli beş il həbs cəzası verilməsinə görə təəssüf hissi keçirdiyini bildirib və deyib: “İdeal bir dövlət öz sistemində müxaliflərini həzm etməyi bacarmalıdır”.
