Qafqaz.ir Axar.az-a istinadən xəbər verir ki, etiraz aksiyası prezidentin Tiflisdəki Surb Gevork erməni kilsəsini ziyarəti zamanı baş tutub. Etirazçılar Sarkisyanın keçirmək istədiyi yeni konstitusiya reformlarına öz etirazlarını bildiriblər.Sarkisyana qarşı mitinqin görüntüləri onun səfərinin başa çatmasından bir gün sonra sosial şəbəkələrdə yerləşdirilib.Qeyd edək ki, Surb Gevork kilsəsinin əsas himayəçisi Gürcüstanın keçmiş Baş naziri Bidzina İvanişvilidir. Məhz bu fəaliyyətinə görə, o 31 oktyabrda Erməni Apostol Kilsəsinin ən böyük mükafatı ilə təltif olunub. Hazırda Gürcüstanda İrəvan və Moskva ilə münasibətlərin əsas dəstəkçisi məhz milyarder İvanişvilidir.
