Sumqayıtda fəaliyyət göstərən dini mağazalara təzyiqlər davam edir

Son bir neçə ay ərzində hökumət tərəfindən dini mağazalarda reydlər keçirilərək, müxtəlif dini ədəbiyyatlar və ləvazimatlar müsadirə olunub. Mağazaların bəzilərinin fəaliyyəti isə ya dayandırılıb, yaxud da problem məhkəmə müstəvisinə qədər gedib çıxıb.

İslaminSesi məlumat verir ki, bu dəfə Sumqayıt şəhərində fəaliyyət göstərən dini mağazalar hədəfə alınıb. Belə ki, aidiyyatı dövlət qurumları tərəfindən dini mağazalarda reydlər keçirilərək, təzyiqlər göstərilib.

Bir neçə mağazaya ümumilikdə 10 min manat cərimə yazılıb.

Mağaza sahiblərinin verdiyi məlumata görə, təzyiqlərlə bağlı məhkəməyə müraciət olunub və problemin hüquqi müstəvidə həlli üçün mübarizə aparılacaq.