Tbilisidə etirazçıların sayı artıb, Rustaveli prospekti bağlanıb

Tbilisidə Gürcüstan parlamentinin binası qarşısında keçirilən etiraz aksiyasına qatılan iştirakçıların sayı artıb.

qafqaz.ir “Report”a istinadən  xəbər verir ki, parlamentin binası qarşısındakı Rustaveli prospekti bağlanıb.

Prospektdə avtomobillərin hərəkəti dayandırılıb.

Bu ərəfədə etiraz aksiyasına Gürcüstanın keçmiş birinci xanımı Maka Çiçua da qoşulub. O, jurnalistlərə açıqlamasında aksiyaçıların daxili işlər naziri Giorgi Qaxarianın istefası ilə bağlı tələbini dəstəklədiyini bildirib.