Ukraynadakı hadisələr zamanı ölən azərbaycanlıların sayı bəlli olub.
Odessa vilayətindən özləri təxliyə olunarkən Moldova sərhədinə yaxınlaşanda maşınlarının atəşə tutulması nəticəsində 4 azərbaycanlı həlak olub.
Xarkovda küçəyə çıxanda aldığı güllə yarasından isə 1 azərbaycanlı keçinib.
Çerniqov vilayətində könüllü kimi məktəbdə xəsarət alanlara kömək edərkən baş vermiş partlayışda isə başqa bir azərbaycanlı həyatını itirib.
Çerniqov şəhərində də maşının üstünə raket düşməsi bir azərbaycanlının həlak olması ilə nəticələnib.
Bunlardan əlavə Ukraynada daha üç azərbaycanlının da həlak olduğu bildirilir.
Beləliklə Ukrayna müharibəsinin başlanmasından bu günədək bu ölkədə 10 azərbaycanlının öldüyü məlum olub.
