Bakıda yerləşən Mərkəzi Kliniki Hərbi Hospitalda (MKHH) hicab problemi yaranıb.
Cenubnews.com İnternet Qəzeti xəbər verir ki, bu barədə AzadXeber.az-ın redaksiyasına şikayət məktubu daxil olub. Məktubda deyilir ki, hərbi hospitalda çalışan bir qrup inanclı tibb bacısına hicabla işə gəldikləri üçün xəbərdarlıq edilib.
Hərbi hospitalın rəhbərliyi tibb bacılarına göstəriş verib ki, hicablı şəkildə işə gəlməsinlər. Bundan sonra tibb bacılarının bir hissəsi hicabını açmaq məcburiyyətinə qalıb. Digərləri isə könüllü olaraq ərizələrini yazaraq işdən çıxıblar.
