Terrorun baş verdiyi məkanın sahibi:”ABŞ kəşfiyyatı bunun xəbərini bir həftə əvvəl vermişdi”

İstanbul terrorunun baş verdiyi «Reina» əyləncə məkanının sahibi Mehmet Koçarslan açıqlama verib.

Türkiyə mətbuatı xəbər verir ki, M.Koçarslan ABŞ kəşfiyyatının terrorla bağlı bir həftə əvvəldən xəbərdarlıq etdiyini deyib:

«Məkana girən şərəfsizlər «Kalaşnikov»la silahlanmışdılar. İnsanlara atəş açdılar. ABŞ kəşfiyyatı bunun xəbərini bir həftə əvvəldən vermişdi. Dəniz daxil olmaqla, məkana yaxın hər tərəfdə mühafizə gücləndirilmişdi. Sonra nə oldu? Göz görə-görə bu hücum baş verdi».

Xatırladaq ki, hadisə nəticəsində 35 nəfər həyatını itirib, 40-a yaxın insan xəsarət alıb.